Article
വെടിക്കെട്ട് നിയന്ത്രണങ്ങളും സുരക്ഷാ മാനദണ്ഡങ്ങളും
വെടിക്കെട്ട് നിയന്ത്രണങ്ങളും സുരക്ഷാ മാനദണ്ഡങ്ങളും
"ഒൻപത് ശരീരഭാഗങ്ങൾ കിട്ടി; അത് 9 പേരുടെ ആണോ ഒരാളുടെ തന്നെ ചിതറിത്തെറിച്ച ഭാഗങ്ങളാണോ എന്ന് പരിശോധിച്ച് കണ്ടെത്തേണ്ടിയിരിക്കുന്നു, അടിയന്തര ക്രമീകരണങ്ങൾ നടന്നുകൊണ്ടിരിക്കുകയാണ്." കഴിഞ്ഞദിവസം തൃശ്ശൂർ മുണ്ടത്തിക്കോട് വെടിക്കെട്ട് അപകടത്തെ തുടർന്ന് സംസ്ഥാനത്തെ ഒരു മന്ത്രി ആദ്യം തന്നെ അവിടെ എത്തി , മാധ്യമങ്ങളോട് അദ്ദേഹം നടത്തിയ ആദ്യഘട്ട പ്രതികരണമായിരുന്നു അത്. നിരവധി സ്ഥലങ്ങളിൽ വെടിക്കെട്ട് അപകടങ്ങൾ മൂലം മരണങ്ങളും പരിക്കുകളും ഇതിനുമുമ്പും ഉണ്ടായിട്ടുണ്ട്, പല കാരണങ്ങളാൽ ഇത്തരത്തിലുള്ള അപകടമരണങ്ങൾ വീണ്ടും വീണ്ടും ഉണ്ടാവുകയാണ്.
കേരളത്തിന്റെ സാംസ്കാരിക ഭൂപടത്തിൽ ഉത്സവങ്ങൾക്കും ആഘോഷങ്ങൾക്കും ഒഴിച്ചുകൂടാനാവാത്ത ഒന്നാണ് വെടിക്കെട്ട്. എന്നാൽ, പൊതുജനാരോഗ്യം, പരിസ്ഥിതി സംരക്ഷണം, സുരക്ഷ എന്നിവ മുൻനിർത്തി വെടിക്കെട്ടിന്മേൽ കർശനമായ നിയമനിയന്ത്രണങ്ങൾ നിലവിലുണ്ട്. സുപ്രീം കോടതിയുടെ ചരിത്രപ്രധാനമായ വിധികൾ, Explosives Act 1884, Explosives Rules 2008, PESO (Petroleum and Explosives Safety Organization) നിർദ്ദേശങ്ങൾ എന്നിവയാണ് ഈ മേഖലയെ നിയന്ത്രിക്കുന്നത്.
ശ്രദ്ധയിൽ ഉണ്ടാവേണ്ടത്
1. സുപ്രീം കോടതി വിധിയും സമയക്രമവും-
Forum Prevention of Environmental and Sound Pollution v. Union of India (2005 5 SCC 733) എന്ന കേസിൽ സുപ്രീം കോടതി പുറപ്പെടുവിച്ച വിധി ശബ്ദമലിനീകരണ നിയന്ത്രണത്തിൽ നിർണ്ണായകമാണ്:
രാത്രി 10 മണി മുതൽ രാവിലെ 6 മണി വരെ കടുത്ത ശബ്ദമുണ്ടാക്കുന്ന വെടിക്കെട്ടുകൾ കർശനമായി നിരോധിച്ചിരിക്കുന്നു. പൊതുജനങ്ങളുടെ വിശ്രമവേളയെയും ആരോഗ്യത്തെയും സംരക്ഷിക്കാനാണ് ഈ നടപടി.
"ഒൻപത് ശരീരഭാഗങ്ങൾ കിട്ടി; അത് 9 പേരുടെ ആണോ ഒരാളുടെ തന്നെ ചിതറിത്തെറിച്ച ഭാഗങ്ങളാണോ എന്ന് പരിശോധിച്ച് കണ്ടെത്തേണ്ടിയിരിക്കുന്നു, അടിയന്തര ക്രമീകരണങ്ങൾ നടന്നുകൊണ്ടിരിക്കുകയാണ്." കഴിഞ്ഞദിവസം തൃശ്ശൂർ മുണ്ടത്തിക്കോട് വെടിക്കെട്ട് അപകടത്തെ തുടർന്ന് സംസ്ഥാനത്തെ ഒരു മന്ത്രി ആദ്യം തന്നെ അവിടെ എത്തി , മാധ്യമങ്ങളോട് അദ്ദേഹം നടത്തിയ ആദ്യഘട്ട പ്രതികരണമായിരുന്നു അത്. നിരവധി സ്ഥലങ്ങളിൽ വെടിക്കെട്ട് അപകടങ്ങൾ മൂലം മരണങ്ങളും പരിക്കുകളും ഇതിനുമുമ്പും ഉണ്ടായിട്ടുണ്ട്, പല കാരണങ്ങളാൽ ഇത്തരത്തിലുള്ള അപകടമരണങ്ങൾ വീണ്ടും വീണ്ടും ഉണ്ടാവുകയാണ്.
കേരളത്തിന്റെ സാംസ്കാരിക ഭൂപടത്തിൽ ഉത്സവങ്ങൾക്കും ആഘോഷങ്ങൾക്കും ഒഴിച്ചുകൂടാനാവാത്ത ഒന്നാണ് വെടിക്കെട്ട്. എന്നാൽ, പൊതുജനാരോഗ്യം, പരിസ്ഥിതി സംരക്ഷണം, സുരക്ഷ എന്നിവ മുൻനിർത്തി വെടിക്കെട്ടിന്മേൽ കർശനമായ നിയമനിയന്ത്രണങ്ങൾ നിലവിലുണ്ട്. സുപ്രീം കോടതിയുടെ ചരിത്രപ്രധാനമായ വിധികൾ, Explosives Act 1884, Explosives Rules 2008, PESO (Petroleum and Explosives Safety Organization) നിർദ്ദേശങ്ങൾ എന്നിവയാണ് ഈ മേഖലയെ നിയന്ത്രിക്കുന്നത്.
ശ്രദ്ധയിൽ ഉണ്ടാവേണ്ടത്
1. സുപ്രീം കോടതി വിധിയും സമയക്രമവും-
Forum Prevention of Environmental and Sound Pollution v. Union of India (2005 5 SCC 733) എന്ന കേസിൽ സുപ്രീം കോടതി പുറപ്പെടുവിച്ച വിധി ശബ്ദമലിനീകരണ നിയന്ത്രണത്തിൽ നിർണ്ണായകമാണ്:
രാത്രി 10 മണി മുതൽ രാവിലെ 6 മണി വരെ കടുത്ത ശബ്ദമുണ്ടാക്കുന്ന വെടിക്കെട്ടുകൾ കർശനമായി നിരോധിച്ചിരിക്കുന്നു. പൊതുജനങ്ങളുടെ വിശ്രമവേളയെയും ആരോഗ്യത്തെയും സംരക്ഷിക്കാനാണ് ഈ നടപടി.
നിറപ്പകിട്ടാർന്ന വെടിക്കെട്ടുകൾ:
ശബ്ദമില്ലാത്തതോ കുറഞ്ഞതോ ആയ 'കളർ അമിട്ടുകൾ' (Visual fireworks/Color displays) ഈ സമയപരിധിക്കുള്ളിൽ ഉപയോഗിക്കാൻ തടസ്സമില്ല.
സംസ്ഥാന സർക്കാരിന്റെ അധികാരം
സാംസ്കാരികമോ മതപരമോ ആയ പ്രത്യേക സാഹചര്യങ്ങളിൽ, ചില ഉത്സവങ്ങൾക്കായി രാത്രി 10 മണിക്ക് ശേഷമുള്ള സമയപരിധിയിൽ മുൻകൂട്ടിയുള്ള അപേക്ഷയിൽ ഇളവ് നൽകാൻ സംസ്ഥാന സർക്കാരിന് അധികാരമുണ്ട്. എന്നാൽ ഇത് വർഷത്തിൽ പരിമിതമായ ദിവസങ്ങളിൽ (പരമാവധി 15 ദിവസം) മാത്രമേ അനുവദിക്കാവൂ.
2. മാഗസിൻ ഡിസ്പ്ലേയും സ്റ്റോറേജും
വെടിമരുന്ന് സൂക്ഷിക്കുന്ന സ്ഥലത്തെയാണ് 'മാഗസിൻ' എന്ന് വിളിക്കുന്നത്. ഇവയുടെ സുരക്ഷ സംബന്ധിച്ച് PESO കർശനമായ നിർദ്ദേശങ്ങൾ മുന്നോട്ടുവെക്കുന്നു:
സ്ഥിരം മാഗസിനുകൾ: സ്ഫോടകവസ്തുക്കൾ സൂക്ഷിക്കാൻ പ്രത്യേകമായി നിർമ്മിച്ച, ഇടിമിന്നൽ രക്ഷാകവചങ്ങളുള്ള (Lightning Conductors) കോൺക്രീറ്റ് കെട്ടിടങ്ങളായിരിക്കണം ഇവ.
മാഗസിൻ ഡിസ്പ്ലേ (Display of Information):
മാഗസിനിൽ താഴെ പറയുന്നവ പ്രദർശിപ്പിച്ചിരിക്കണം:
അംഗീകൃതമായ PESO ലൈസൻസിന്റെ പകർപ്പ്.
ഓരോ ഇനത്തിലും എത്ര അളവ് വെടിമരുന്ന് സൂക്ഷിക്കാൻ അനുമതിയുണ്ട് എന്ന വിവരം.
അപകട സൂചനകൾ നൽകുന്ന ചുവന്ന ബോർഡുകൾ.
അടിയന്തര സാഹചര്യങ്ങളിൽ ബന്ധപ്പെടേണ്ട ഉദ്യോഗസ്ഥരുടെ വിവരങ്ങൾ.
പോർട്ടബിൾ മാഗസിൻ: വെടിക്കെട്ട് സ്ഥലത്തേക്ക് മരുന്ന് എത്തിക്കുമ്പോൾ സ്റ്റീൽ നിർമ്മിതമായ പോർട്ടബിൾ മാഗസിനുകൾ മാത്രമേ ഉപയോഗിക്കാവൂ. ഇവയ്ക്ക് അകവശത്ത് തടി ആവരണം (Wood lining) ഉണ്ടായിരിക്കണം.
3. PESO നിയമങ്ങൾ പ്രകാരമുള്ള പ്രധാന സുരക്ഷാ മാനദണ്ഡങ്ങൾ പ്രകാരം
സ്ഫോടകവസ്തു വകുപ്പിന്റെ (PESO) അനുമതിയില്ലാതെ ഒരു വെടിക്കെട്ടും നടത്താൻ പാടില്ല.
പ്രധാന നിബന്ധനകൾ ഇവയാണ്:
സുരക്ഷിത അകലം (Safety Distance): വെടിക്കെട്ട് നടത്തുന്ന സ്ഥലത്തുനിന്നും കാണികൾ, കെട്ടിടങ്ങൾ, ആശുപത്രികൾ എന്നിവയിലേക്ക് കുറഞ്ഞത് 100 മീറ്റർഅകലം ഉണ്ടായിരിക്കണം. ഇത് വെടിക്കെട്ടിന്റെ തീവ്രതയനുസരിച്ച് വർദ്ധിക്കാം.
തൊഴിലാളികളുടെ സുരക്ഷ: വെടിക്കെട്ട് നടത്തുന്നവർക്ക് PESO നൽകുന്ന സർട്ടിഫിക്കറ്റോ ലൈസൻസോ ഉണ്ടായിരിക്കണം. ഇവർ അഗ്നിപ്രതിരോധ വസ്ത്രങ്ങളും സുരക്ഷാ ഉപകരണങ്ങളും ധരിക്കണം.
നിരോധിത രാസവസ്തുക്കൾ: അന്തരീക്ഷ മലിനീകരണം കുറയ്ക്കുന്നതിനായി ബേരിയം നൈട്രേറ്റ്, ആന്റിമണി, ലിഥിയം, മെർക്കുറി, ആഴ്സനിക് തുടങ്ങിയവ അടങ്ങിയ വെടിക്കെട്ടുകൾ നിരോധിച്ചിട്ടുണ്ട്. സുപ്രീം കോടതി നിർദ്ദേശിച്ച
ഗ്രീൻ ക്രാക്കറുകൾ' (Green Crackers) മാത്രമേ ഉപയോഗിക്കാവൂ.
ഫയർ കൺട്രോൾ: വെടിക്കെട്ട് സ്ഥലത്തിന് സമീപം മതിയായ അളവിൽ മണൽ, വെള്ളം, ഫയർ എക്സ്റ്റിംഗുഷറുകൾ എന്നിവയും ഫയർ ഫോഴ്സ് യൂണിറ്റും സജ്ജമായിരിക്കണം.
4. ലൈസൻസിംഗും ഉത്തരവാദിത്തവും-
ഏതൊരു വെടിക്കെട്ടിനും ജില്ലാ മജിസ്ട്രേറ്റിൽ (ഡിസ്ട്രിക്ട് കളക്ടർ) നിന്നുള്ള എൻ.ഒ.സി (NOC) ആവശ്യമാണ്. ഉത്സവ കമ്മിറ്റികളും വെടിക്കെട്ട് കരാറുകാരും നിയമപരമായ ഉത്തരവാദിത്തം പങ്കിടുന്നു. ലൈസൻസ് നിബന്ധനകൾ ലംഘിക്കുന്നത് Explosives Act പ്രകാരം ക്രിമിനൽ കുറ്റമാണ്.
അപകടങ്ങൾ നടന്നു കഴിയുമ്പോഴാണ് ഈ നിബന്ധനകൾ എല്ലാം പാലിച്ചിട്ടുണ്ടോ എന്ന് പൊതുവേ അന്വേഷണങ്ങൾ ഉണ്ടാകുന്നത്. യഥാർത്ഥത്തിൽ സമയബന്ധിതമായി ഓരോ ഘട്ടത്തിലും ഇത്തരത്തിൽ പരിശോധനകൾ നടത്തി നിയമത്തിനു വിധേയമായി പ്രവർത്തിക്കാൻ മാത്രമേ അനുവാദം ലഭിക്കുകയുള്ളൂ എന്ന ബോധ്യവും ഉത്തരവാദിത്വവും എല്ലാവർക്കും ഉണ്ടാകണം.
0 Comments
Leave a Reply