*60 വയസ്സു കഴിഞ്ഞാൽ പേര് പോലീസ് സ്റ്റേഷനിൽ*

60 വയസ്സ് കഴിഞ്ഞ എല്ലാ ആളുകളുടെയും പേര് വിവരങ്ങൾ അതത് പോലീസ് സ്റ്റേഷൻ രജിസ്റ്ററിൽ ഉണ്ടാകണമെന്നാണ് മുതിർന്ന പൗരന്മാരുടെ ക്ഷേമത്തിനും സംരക്ഷണത്തിനും ഉള്ള നിയമത്തിലെ ചട്ടം പറയുന്നത്. മാസത്തിലൊരിക്കൽ സിവിൽ പോലീസ് ഉദ്യോഗസ്ഥൻ മുതിർന്ന പൗരനെ സന്ദർശിച്ച ക്ഷേമമന്വേഷിച്ചു റിപ്പോർട്ട് ജില്ലാ പോലീസ് മേധാവിക്ക് സമർപ്പിക്കണം. സിവിൽ വേഷത്തിൽ തങ്ങളുടെ അടുത്തെത്തി എന്തെങ്കിലും ക്ഷേമം അന്വേഷിക്കുന്ന പൊലീസ് സുഹൃത്തിനോട് ബുദ്ധിമുട്ടുകൾ തുറന്നുപറയാൻ മുതിർന്ന പൗരന്മാർ തയ്യാറായേക്കും എന്ന നിഗമനമാണ് ഇത്തരമൊരു ചട്ടം 2009 ൽ രൂപീകരിച്ചതിന് പിന്നിൽ. ഇതുസംബന്ധിച്ച് സംസ്ഥാന പോലീസ് മേധാവി സർക്കുലറും ഇറക്കിയിട്ടുണ്ട്.
സർക്കുലറിൻറെ പൂർണരൂപം www.niyamadarsi.com എന്ന
വെബ്സൈറ്റിൽ ലഭ്യമാണ്.